Agosto 19, 2026 — Naging makulay at masigla ang pagdiriwang ng Buwan ng Wika sa Colegio de Santa Catalina de Alejandria, Inc. (COSCA) sa pamamagitan ng Larong ASEAN, na ginanap sa COSCA Annex, Talay, Dumaguete City.
Lalong naging makulay ang selebrasyon sa pamamagitan ng ASEAN-inspired attire ng mga guro at mag-aaral, na sumasalamin sa kultura at pagkakakilanlan ng mga bansa sa Timog-Silangang Asya.
Tampok din ang mga food bazaar na naghandog at nagpakita ng iba’t ibang pagkaing hango sa mga bansang ASEAN, na nagbigay sa mga mag-aaral ng pagkakataong tuklasin at pahalagahan ang mayamang tradisyong kulinarya ng rehiyon.
Nagbigay rin ng mas malalim na pag-unawa sa kulturang ASEAN ang pagbabahagi ni Gng. Hpung Dan Awng, isang tagapagturo at teologo na katutubo ng Myanmar, tungkol sa kultura at tradisyon ng kaniyang bansa.
Sa pamamagitan ng mga larong nagtaguyod ng pakikipagtulungan, paggalang, pagkakaibigan, at sportsmanship, naging higit pa sa isang paligsahan ang Larong ASEAN—isa itong pagdiriwang ng kultura, pagkakaibigan, at pagkakaisa.
Sa COSCA, bawat laro ay salamin ng kultura, bawat kasuotan ay kuwento, bawat pagkain ay lasa ng kultura, at bawat pagkakaisa ay diwang Catalinan.
𝘗𝘩𝘰𝘵𝘰𝘴: 𝘙𝘰𝘸𝘦𝘭𝘭 𝘊𝘢𝘳𝘭 𝘕. 𝘛𝘢𝘣𝘢𝘳𝘢𝘯𝘻𝘢
